Եղանակն՝ այսօր
Բրիտանիայում հրաժարվել են «Աստղային պատերազմների» ցուցադրությունից առաջ քրիստոնեական տեսահոլովակ ցուցադրել (տեսանյութ)
Մեծ Բրիտանիայի երեք խոշոր կինոթատրոնների ցանցեր հրաժարվել են իրենց էկրաններին քրիստոնեական տեսահոլովակ ցուցադրել, որն Անգլիկան եկեղեցին նախատեսում էր թողարկել «Աստղային պատերազմներ» ֆիլմի նոր մասի պրեմիերայից առաջ, գրում է lenta.ru-ն։
Կինոթատրոնների ղեկավարները որոշումը բացատրել են նրանով, որ գովազդը կարող է դուր չգալ այլ կրոնների հետևող կինոսերներին կամ աթեիստներին։
Մեկ րոպե տևողությամբ տեսանյութը ցույց է տալիս տարբեր սեռերի, տարիքների, սոցիալական կարգավիճակների, մասնագիտությունների և ազգությունների մարդկանց, որոնք «Հայր մեր» աղոթքն են կարդում։
Անգլիկան եկեղեցին կինոթատրոնների որոշումը խոսքի ազատության դեմ ոտնձգություն և «պարզապես հիմարություն է» անվանել։ Կինոթատրոններն իրենց հերթին հայտարարել են, որ չեն կարող հեռարձակել կրոնական կամ քաղաքական ուղղվածության գովազդ։
Studio One