Մայքլ Ջեքսոնի երկրպագուհին բանտում է հայտնվել` երեխայի հետ նրա «հնարքը» կրկնելով

Մայքլ Ջեքսոնի երկրպագուհին որոշել է կրկնել  փոփ-արքայի կենսագրության ամենավառ, բայց ոչ լավագույն պահերից մեկը: Երիտասարդ մայրը փոքրիկին դուրս է հանել պատուհանից ` պահելով երեխայի ձեռքերից և բացականչելով սիրելի երգչի անունը: 

Ինչպես հայտնում է The Telagraph-ը` բրիտանուհու այդ արարքից ապշած դատարանը կնոջը բանտ է ուղարկել, ինչպես նաև վերականգնողական բուժման:  Միջադեպը տեղի էր ունեցել ավելի վաղ այս տարի:

Այդ քայլին բրիտանուհին, ում անունը չի նշվում, գնացել է ռադիոյով Ջեքսոնի երգը լսելուց հետո: 

Հայտնի է, որ Մայքլ Ջեքսոնն այս հնարքը կատարել է 2002-ին` Բեռլինի հյուրանոցի պատուհանից  դուրս հանելով և երկրպագուներին ցույց տալով իր որդուն` Բլենկիթին: Ավելի ուշ երգիչը խոստովանել էր, որ սխալ արարք է կատարել: