Հռոմի պապը ռազմական հակամարտության գոտի է այցելել և «ստիպել» ԿԱՀ ղեկավարին ներողություն խնդրել (լուսանկարներ, տեսանյութ)

10:28 • 30.11.15

Ռազմական հակամարտության գոտի կատարած իր առաջին այցի ընթացքում Հռոմի պապ Ֆրանցիսկոսը Կենտրոնաֆրիկյան Հանրապետության բնակիչներին խաղաղության և համբերատարության կոչ է արել, գրում է BBC-ն։

Փախստականների ճամբարի բնակիչները, ուր ժամանել է պոնտիֆիկոսը, ողջունել են նրան երգերով և հիացական բացականչություններով։ Այնուհետև Հռոմի պապը բոլորի հետ միասին աղոթք է ասել` «մենք բոլորս եղբայրներ ենք» խոսքերով։

Իր հերթին հանրապետության ժամանակավոր նախագահ Կատրին Սամբա- Պանզան խնդրել է ներել իրեն այն բռնության համար, որը տեղի է ունեցել իր երկրում քրիստոնյաների և մուսուլմանների միջև:

Ավելի ուշ պոնտիֆիկոսն ուղևորվել է երկրի մայրաքաղաք Բանգի, որտեղ պատարագ է մատուցել: Սպասվում է, որ երկուշաբթի նա կայցելի նաև մզկիթ։