Պորոշենկոն Փարիզում կոչ է արել երկարաձգել Ռուսաստանի նկատմամբ պատժամիջոցները

Ուկրաինայի նախագահ Պյոտր Պորոշենկոն Փարիզում կլիմայի փոփոխություններին նվիրված համաժողովի շրջանակում կարճ հանդիպումներ է ունեցել Ավստրիայի, Լատվիայի, Ռումինիայի նախագահների և Իտալիայի, Նիդեռլանդների, Լյուքսեմբուրգի, Սլովակիայի և Հունաստանի վարչապետների հետ, գրում է gazeta.ru-ն։

«Նախագահն այդ երկրների առաջնորդներին կոչ է արել երկարաձգել Ռուսաստանի նկատմամբ պատժամիջոցները՝ նրա կողմից Մինսկի պայմանավորվածությունները չկատարելու պատճառով»,- նշվում է նախագահի մամուլի ծառայության հաղորդագրությունում:

Այդ խոսակցությունների ժամանակ քննարկվել է նաև ուկրաինացիների համար առանց վիզայի ռեժիմ սահմանելու հարցը։

Փարիզում անցկացվում է կլիմայի փոփոխություններին նվիրված ՄԱԿ-ի համաժողովը։