Բելգիայում հետախուզում են հայտարարել Փարիզի ահաբեկչությունների 2 կասկածյալի նկատմամբ

Բելգիայի դատախազությունը ակտիվ հետախուզում է հայտարարել  Փարիզում ահաբեկչությունների գործով երկու նոր կասկածյալի նկատմամբ:

Այս մասին  հաղորդում է ТАСС գործակալությունը` հղում անելով Agence France Presse-ին:

Փարիզում նոյեմբերի 13-ին տեղի ունեցած պայթյուններից հետո, որոնց  հետևանքով 130 մարդ էր զոհվել, Բելգիայի իշխանությունները անվտանգության ուժեղացված միջոցառումներ են իրականացնում ողջ երկրով մեկ:

Բելգիայի բանակն ու ոստիկանությունը  տասնյակ հակաահաբեկչական արշավներ են իրականացրել, որոնց մեծ մաս անցկացվել է Մոլենբեկ թաղամասում, որտեղ հիմնականում մարոկացիներ են բնակվում: