Թուրքական զորքի տեղակայումը Մոսուլում միջազգային իրավունքի խախտում է. Իրաքի նախագահ

Իրաքի նախագահ Ֆուադ Մասումը  թուրքական   հարյուրավոր զինվորականների  տեղակայումը Մոսուլ քաղաքի հյուսիսում «միջազգային իրավունքի խախտում» է անվանել, փոխանցում է Reuters-ը:

Աղբյուրի հաղորդմամբ` թուրքական անվտանգության ծառայության աղբյուրը նախօրեին հայտնել էր, որ իրենք պատրաստվում են վերապատրաստում անցկացնել իրաքյան զորքերի շրջանում:

Իրաքի վարչապետն ու ԱԳ նախարարը կոչ են արել Թուրքիային դուրս բերել թուրքական զորքը Իրաքից:

Իրաքի նախագահը նույնպես հանդես է եկել նման կոչով և Իրաքի ԱԳՆ-ին հրահանգել է անհրաժեշտ միջոցառումներ իրականացնել «իրենց երկրի ինքնիշխանությունն ու անկախությունը պաշտպանելու համար»: