Օբաման հաստատել է, որ Սան Բերնարդինո քաղաքում ահաբեկչություն է եղել

08:41 • 07.12.15

ԱՄՆ Կալիֆորնիա նահանգի Սան Բերնարդինո քաղաքում օրերս տեղի ունեցած հրաձգությունն ահաբեկչություն է եղել, հաստատել է երկրի նախագահ Բարաք Օբաման, փոխանցում է РИА Новости-ն:

 

«Մենք չունենք վկայություններ, որ ահաբեկիչներին ղեկավարել են արտերկրից կամ որ նրանք եղել են ԱՄՆ-ի ներսում լայն դավադրության մասնակիցներ»,- ասել է Սպիտակ տան ղեկավարը:

 

Սան Բերնարդինոյում հրաձգությունը տեղի էր ունեցել դեկտեմբերի 2-ի գիշերը։ Հանցագործները ներխուժել էին սոցիալական ապահովության կենտրոնի դահլիճ ու կրակ բացել շենքում ներկաների վրա։ Զոհվել էր 14, վիրավորվել՝ 21  մարդ։ Հանցագործները ոչնչացվել էին իրավապահների հետ հրաձգության ընթացքում։