Նորզելանդացի սերֆերը փրկել է Դանիայի խեղդվող թագաժառանգին (լուսանկարներ)

Նորզելանդացի սերֆեր Նիք Մալքոլմն ավստրալական Գոլդ Քոսթ քաղաքում փրկել է Դանիայի թագաժառանգ արքայազն Քրիստիանի կյանքը:

Ինչպես հայտնում է lenta.ru-ն, միջադեպը տեղի է ունեցել Մերմեյդ լողափին` թագավորական ընտանիքի հանգստի ժամանակ:

Ականատեսների խոսքերով՝ արագ հոսանքը 10-ամյա արքայազնին քշել-տարել է դեպի բաց օվկիանոս: Սակայն սերֆերը փրկել է արքայազնին խեղդվելու սպառնալիքից ու տղային դուրս բերել ցամաք` տանելով ծնողների մոտ:

Հետագայում Մալքոլմը հրաժարվել է որևէ կերպ մեկնաբանել տեղի ունեցածը: Սակայն հայտնի է, որ նա ենթադրություն անգամ չի ունեցել, թե ում է փրկում: