Ամերիկացի բոյսկաուտը հաղթել է իրեն քարանձավ քարշ տված արջին

Ամերիկացի բոյսկաուտ Քրիստոֆեր Պետրոնինոն Նյու Ջերսի նահանգի լեռնային հատված կատարած արշավի ժամանակ ստիպված է եղել պայքարի մեջ մտնել իսկական արջի հետ։

Ինչպես նշում է lenta.ru-ն, հայտնի է, որ գիշատիչն ու 50-ամյա բոյսկաուտն իրար դեմ են դուրս եկել քարանձավի մոտ, որտեղ Պետրոնինոն ու ևս 3 երիտասարդ բոյսկաուտ գնացել էին արշավի։

Արջը հարձակվել է Պետրոնինոյի վրա, բռնել նրա ոտքից ու քարշ տվել դեպի քարանձավի խորքը, սակայն տղամարդը խուճապի չի մատնվել ու կարողացել է փոքրիկ մուրճի օգնությամբ տապալել գիշատչին:

Այնուհետև բոյսկաուտները դուրս են եկել քարանձավից, իսկ որոշ ժամանակ անց դուրս է եկել նաև արջը, որը, սակայն, շտապել է թաքնվել: Նշվում է, որ միջադեպի հետևանքով Պետրոնինոյից բացի ոչ ոք չի տուժել։