Ստամբուլում հատուկ գործողության ընթացքում երկու կին մահապարտ է սպանվել
Ստամբուլում հակաահաբեկչական հատուկ գործողության ընթացքում երկու կին մահապարտ է սպանվել:
Ինչպես տեղեկացնում է թուրքական «Միլլիյեթ» թերթի կայքը, հաղորդվում է, որ գործողության ընթացքում վիրավորվել է 4 ոստիկան:
Ոստիկանական հատուկ գործողությունն իրականացվել է Գազիօսմանփաշա թաղամասում՝ այն տանը, որտեղ մնացել են զինյալները:
Նրանք դիմադրություն են ցույց տվել և կրակել են ոստիկանության ուղղությամբ:
Ենթադրվում է, որ նրանք եղել են Թուրքիայում ահաբեկչական համարվող Քուրդիստանի աշխատավորական կուսակցության՝ PKK-ի զինյալներ:










