Թբիլիսիում ոստիկանական մեքենան վրաերթի է ենթարկել ՈՒԵՖԱ-ի մենեջերին

Վրացի ֆուտբոլիստ ու ֆուտբոլի ազգային ֆեդերացիաների կապերի գծով ՈՒԵՖԱ-ի մենեջեր Դավիդ Պետրիաշվիլին մահացել է Թբիլիսիում տեղի ունեցած ճանապարհատրանսպորտային պատահարի հետևանքով:

Այդ մասին հայտնում է Интерфакс գործակալությունը՝ Վրաստանի Ֆուտբոլի ազգային ֆեդերացիայի մամուլի ծառայությանը հղումով:

Նրանց տվյալներով՝ դեկտեմբերի 21-ի գիշերը 46-ամյա Պետրիաշվիլիին վրաերթի է ենթարկել  պարեկային ոստիկանության մեքենան:

Հարուցվել է քրեական գործ՝ Վրաստանի Քրեական օրենսգրքի 276-րդ հոդվածի հատկանիշներով՝  «Մեքենան վարելու անվտանգության կանոնների խախտում, որը հանգեցրել է մարդու մահվան»: