ՌԴ օդուժը ահաբեկիչների վերապատրաստման խոշորագույն ճամբար է ոչնչացրել Սիրիայում

ՌԴ Զինված ուժերը, որոնք ռազմական  գործողություններ են իրականացնում Սիրիայում, մոտ մեկ շաբաթ առաջ սիրիական ընդդիմությունից տեղեկություններ էին ստացել ահաբեկիչներ պատրաստող կենտրոնի մասին, որտեղ մեծ թվով վերապատրաստողներ էին գտնվում Սիրիայի հարևան երկրներից:  Ինչպես հաղորդում է РИА Новости-ն` ՌԴ օդատիեզերական ուժերը ոչնչացրել է այդ ճամբարը:

«Իդլիբ նահանգում Սու-34 ռմբակոծիչը ոչնչացրել է ահաբեկիչների խոշոր պարապմունքային ճամբարը, որտեղ մեծ թիվ էին կազմում Թուրքիայի տարածքով ժամանած  ԱՊՀ երկրների քաղաքացիները», - աղբյուրը մեջբերում է ՌԴ ՊՆ պաշտոնական ներկայացուցիչ Իգոր Կոնաշենկովին:

Նրա խոսքով` այդ տեղեկությունը ստացվել է միանգամից մի քանի աղբյուրից, որից հետո ստուգվել է մի քանի ալիքներով: