Հունաստանի նախագահը վարչապետին մաղթել է, որ այս տարի նա փողկապ կապի

Հունաստանի նախագահ Պրոպոկոպիս Պավլոպուլոսը վարչապետ Ալեքսիս Ցիպրասի հետ զրույցում հույս է հայտնել, որ 2016 թվականին երկրի տնտեսական վիճակը կբարելավվի, ինչը նշանակում է՝ վարչապետը ստիպված կլինի փողկապ կրել։

«Լենտա»-ն հիշեցնում է, որ Ցիպրասը սկզբունքորեն հրաժարվում է փողկապից, սակայն խոստացել է անել դա, եթե Հունաստանի պարտքերի հետ կապված խնդիրները լուծվեն:

2016-ի բյուջեով Հունաստանի իշխանությունները նախատեսում են միջազգային վարկատուների պահանջները բավարարել՝ ծախսերի նոր կրճատումներով ու հարկերի բարձրացումներով:

Վարկատուները մինչև 2018-ը 86 մլրդ եվրո կտրամադրեն Հունաստանին։

Այս ֆոնին Ցիպրասը նախագահին ասել է, որ նախագահը «բարձր նշաձող է սահմանել»։