Հայտնի են World Press Photo-ի մրցանակակիրները, նրանց թվում հայ կա (լուսանկար)

16:55 • 18.02.16

World Press Photo ֆոտոլրագրողների միջազգային մրցույթում «Տարվա լուսանկար» անվանակարգում մրցանակի է արժանացել ավստրալացի Ուորեն Ռիչարդսոնը։ Նրան մրցանակ են հանձնել «Նոր կյանքի հույս» լուսանկարի համար, որտեղ պատկերված են փախստականներ, որոնք երեխային փոխանցում են փշալարերի միջով։

Լուսանկարն արվել է 2015 թվականի օգոստոսի 28-ին՝ Հունգարիա-Սերբիա սահմանին։

2016 թվականի մրցույթի ժյուրիի նախագահը եղել է AFP գործակալության ֆոտոխմբագիր Ֆրենսիս Կոնը։

Հաղթող լուսանկարներն ընտրվել են 128 տարբեր երկրներում 5.775 լուսանկարիչների կողմից արված 82.951 լուսանկարներից:

«Ժամանակակից խնդիրներ» անվանակարգում երկրորդ տեղի մրցանակին է արժանացել հայազգի Ադրիան Օհանեսյանը (Adriane Ohanesian)՝ Սուդանում արված իր լուսանկարի համար: