Արմեն Ջիգարխանյանը հիվանդանոցում կմնա մինչև շաբաթվա վերջ

«Դեռ նրան դուրս գրելը շուտ է»,- չորեքշաբթի օրը գործակալությանն ասել են ինստիտուտում:

ԽՍՀՄ ժողովրդական արտիստ Արմեն Ջիգարխանյանը տեղափոխվել է Սկլիֆոսովսկու անվան ինստիտուտ շաբաթ օրը՝ սրտի կաթվածի կասկածանքով: Նրան տեղավորել են վերակենդանացման բաժանմունքում: Ջիգարխանյանի վիճակը գնահատվում էր որպես ծանր:

Այնուհետև Ջիգարխանյանին տեղափոխել են սովորական սենյակ, նրա վիճակը գնահատվում է միջին ծանրության: «Սրտի կաթված» ախտորոշումը չի հաստատվել։