Բրիտանացին միկրոքանդակներ է պատրաստում ասեղի անցքի մեջ (լուսանկարներ)
Բրիտանացի Վիլարդ Վիգանը բացառիկ տաղանդի ու կատարյալ տեսողության շնորհիվ ստեղծում է անհավանական աշխատանքներ, որոնք գտնվում են ասեղի փոքրիկ անցքի մեջ:
Ինչպես նշում է The Guardian-ը, Վիգանի միկրոսկոպիկ գործերից ամեն մեկը յուրահատուկ է ու, անկախ գերփոքր չափերից, արված է ամենայն մանրամասնությամբ: Հեղինակն իր գործում չի անտեսում նույնիսկ ամենաչնչին դետալը, ինչն առավել գնահատելի է դարձնում արվեստի ինքնատիպ գործերը:
«Երևի թե ես աշխարհում ամենաամուր, չդողացող ձեռքերն ունեմ»,- կատակել է բրիտանացին` հավելելով, որ յուրաքանչյուր կտրուկ կամ անզգույշ շարժում կարող է փչացնել ստեղծագործական գործընթացը:
Նա նաև ասել է, որ իր գործում ամենակարևոր հատկանիշներից են համբերատարությունն ու հանգստությունը:






















