«Եվրատեսիլը» հաստատել է Ուկրաինայի մրցութային երգը, որին դեմ էր Ռուսաստանը

«Եվրատեսիլի» կազմկոմիտեն հայտարարել է, որ 2016-ի համար Ուկրաինայի հայտ-երգը ընդունված է, հայտնում է France24-ը:

Այսկերպ Ուկրաինան «Եվրատեսիլին» կներկայանա Սուսանա Ջամալադինովայի՝ Ջամալայի «1944» երգով, որի դեմ խիստ առարկություն էր ներկայացրել Ռուսաստանը՝ դա «քաղաքական մեսիջ» որակելով: Մրցույթի կազմկոմիտեն, սակայն, երգում քաղաքական ենթատեքստ չի նշմարել, ուստի՝ մրցույթի կանոնների խախտում չի արձանագրվել:

Երգը պատմում է Երկրորդ համաշխարհայինի տարիներին Ստալինի կողմից Ղրիմի թաթարների տեղահանության մասին:

Այս տարի «Եվրատեսիլը» կկայանա մայիսին Ստոկհոլմում: