Էն Հեթուեյը կնկարահանվի «Արքայադստեր օրագիրը» ֆիլմի շարունակությունում

11:36 • 15.03.16

Հոլիվուդյան օսկարակիր դերասանուհի Էն Հեթուեյը պատրաստվում է նկարահանվել ժամանակին իրեն ճանաչում բերած «Արքայադստեր օրագիրը» ֆիլմի 3-րդ մասում:

Ինչպես նշում է The New York Daily News-ը, այս մասին հայտնել է ռեժիսոր Գարի Մարշալը, ով բացատրել է, որ այժմ դերասանուհին հղի է, և նկարահանումները հետաձգվել են:

«Պետք է սպասենք, որ Էնը ծննդաբերի, հետո նոր սկսենք մեր աշխատանքը»,- բացատրել է 81-ամյա Մարշալը:

Աղբյուրը հիշեցնում է, որ «Արքայադստեր օրագիրը» ֆիլմի առաջին մասը պատմում է ավագ դպրոցի աշակերտուհի Միայի մասին, ով հանկարծակի իմանում է, որ թագավորական ծագում ունի ու սովորական, գորշ աղջնակից վերածվում է նրբաճաշակ լեդիի: Իսկ «անճոռնի ճուտիկից կարապի» փոխակերպման ողջ գործընթացն ուղեկցվում է զվարճալի արկածներով:

Exported.; ARCHIVE; DNP;