«Եվրատեսիլ-2016»-ի շրջանակում կնշվի Շեքսպիրի մահվան 400-րդ տարելիցը

Գրող Ուիլյամ Շեքսպիրի մահվան 400-րդ տարելիցը նշելու պատրաստակամություն են հայտնել «Եվրատեսիլ» երգի միջազգային մրցույթի կազմակերպիչները։
 

Ինչպես նշում է The Independent-ը, այդ նպատակով Եվրոպան ներկայացնող 6 կատարողներ կհամախմբվեն շեքսպիրյան թեմայով մի քանի կարճ ֆիլմերի նկարահանման աշխատանքների շուրջ։

Ընդհանուր առմամբ, Եվրոպական հեռարձակողների միության կողմից նկարահանվելու է 7 ֆիլմ` 30 րոպե տևողությամբ։

Հիշեցնենք, որ այս տարի «Եվրատեսիլն» անցկացվելու է Շվեդիայի մայրաքաղաք Ստոկհոլմում։