Ադելը դարձել է Բրիտանիայի ամենահարուստ երգչուհին

The Sunday Times բրիտանական հանդեսի ամենամյա վարկանշային աղյուսակի տվյալներով անցյալ տարվա ընթացքում 27-ամյա Ադելի եկամուտը գրեթե կրկնապատկվել է` կազմելով  85 մլն ֆունտ ստերլինգ:

Բրիտանիայի 50 ամենահարուստ երաժիշտների ցուցակում, որը կհրապարակվի The Sunday Times թերթում առաջիկա կիրակի, Ադելը զբաղեցրել է 30-րդ հորիզոնականը, բայց շրջանցել է բոլոր մյուս երգչուհիներին:

Ադելին եկամուտը կրկնապատկել հաջողվել է 2015-ի նոյեմբերին թողարկված «25» ալբոմի շնորհիվ: Ձայնասկավառակը երգչուհու երրորդ ստուդիական աշխատանքն է, որը թողարկվելուց քիչ անց վաճառքի ռեկորդներ է սահմանել: