Հոլիվուդյան դերասան Օռլանդո Բլումն այցելել է Դոնեցկ (լուսանկարներ, տեսանյութ)

Հոլիվուդյան հայտնի դերասան Օռլանդո Բլումը` որպես UNICEF-ի բարի կամքի դեսպան, այցելել է հակամարտութան գոտի հանդիսացող Դոնեցկի շրջան:

Ինչպես նշում է korrespondent.net-ը, աստղն այցելել է Սվետլոդարսկ և Միրոնովկա բնակավայրերը, որոնք գտնվում են շրջափակված Դեբալցևոյից 15  կմ հեռավորության վրա։
 

Աղբյուրը մանրամասնում է, որ UNICEF-ի բարի կամքի դեսպանն ապրիլի 28-ին հանդիպել է այնտեղ բնակվող դպրոցականների հետ,  սակայն այդ մասին հայտնի է դարձել միայն այժմ, երբ երեխաները սոցկայքերում լուսանկարներ են հրապարակել Բլումի հետ:
 

Իսկ ավելի վաղ դերասանն այցելել էր Սլավյանսկի դպրոցներից մեկը։