ԱՄՆ-ում բացել են Փրինսի չհրկիզվող պահարանը, որտեղ հավանաբար պահվել են նրա չթողարկված ձայնագրությունները

Bremer Trust ընկերության աշխատակիցները, ովքեր ստացել են երգիչ Փրինսի ժառանգությունը տնօրինելու ժամանակավոր թույլտվություն, բացել են նրա չհրկիզվող պահարանը, որտեղ, հավանաբար, պահվում են հազարավոր չթողարկված ձայնագրություններ, գրում է Газета-ն:
 

Աղբյուրը նշում է, որ երգիչը միայն մեկ անգամ է հիշատակել տվյալ արխիվի մասին` նշելով, որ «մի անգամ ինչ-որ մեկը կթողարկի այդ ձայնագրությունները, քանի որ դրանք չափազանց շատ են»։

Պահարանի բացման մասին հայտնել է երգչի քույրը` Տիկա Նելսոնը, և տեղեկացրել է, որ իր եղբայրն իրենից հետո ժառանգություն չի թողել։

Երգիչը կյանքից հեռացել է ապրիլի 21-ին՝ Մինեապոլիսի իր տանը։