Փարիզում կկառուցվի Լուվրի «մրցակից» թանգարանը

Աշխարհում գոյություն ունեցող արվեստի գործերի ամենամեծ մասնավոր հավաքածուներից մեկը կտեղակայվի փարիզյան նոր թանգարանում` Լուվրից  մի քանի քայլ հեռավորությամբ:

Euromag-ի հաղորդմամբ` այս մասին հայտնել է ֆրանսիացի միլիարդատեր Ֆրանսուա Պինոն, ով Christie's աճուրդի տան սեփականատերն է: Նոր մայրաքաղաքային թանգարանում  Պինոն ողջ աշխարհին կցուցադրի  իր 1.2 մլրդ արժողությամբ հավաքածուն, որը բաղկացած է ժամանակակից վարպետների գլուխգործոցներից:

Փարիզի քաղաքապետ Աննա Իդալգոն կառուցվելիք հաստատությունն անվանել է «մեծ նվեր Փարիզին»:  79-ամյա Պինոն հսկայածավալ հավաքածու է ստեղծել:

Ներկա պահին նրա հավաքածուն ցուցադրվում է Վենետիկի 4 թանգարաններում: Ըստ իրազեկ աղբյուրների` նոր թանգարանը կբացվի 2018-ին: