Մեծ Բրիտանիայում 1933-ին թողարկված 1 պենսանոցը վաճառվել է 91 200 եվրոյով

Մեծ Բրիտանիայում 1933 թվականի հազվագյուտ մետաղադրամը` Ջորջ V արքայի  պատկերով, աճուրդի է հանվել և վաճառվել 91 200 եվրո ռեկորդային գնով:

Euromag-ի ներկայացմամբ` 1933-ին Մեծ Բրիտանիայի  թագավորական դրամահատարանը սահմանափակ թվով 1 պենս արժողությամբ մետաղադրամներ է թողարկել, ինչի շնորհիվ էլ 20-րդ դարի  բրիտանական մետաղադրամը  չափազանց հազվագյուտ է համարվում:

Սկբնապես դրամահատարանը ընդհանրապես մտադրություն չուներ նոր պենսանոցներ թողարկել այդ տարի` 1933-ին, քանի որ մետաղադրամների պակասություն չկար թագավորությունում: Սակայն այնուամենայնիվ որոշակի քանակությամբ մետաղադրամներ թողարկվել են` հատուկ խնդրանքով` այդ թվականը պատմության մեջ նշանավորելու համար:

Արդյունքում մետաղադրամը աճուրդում վաճառվելով նոր  ռեկորդ է սահմանել:  Վաճառքի գումարը 10 տարի առաջ գրանցված նախորդ ռեկորդից 60 տոկոսով ավելին է: Այն ժամանակ մեկ մետաղադրամը վաճառվել էր 57 000 եվրոյով: