Charlie Hebdo-ն Ջամալային ու Սերգեյ Լազարևին պատկերել է երգող խոզերի տեսքով (լուսանկար)

17:32 • 19.05.16

Իր սկանդալային ծաղրանկարներով հայտնի Charlie Hebdo ֆրանսիական երգիծական շաբաթաթերթն անդրադարձել է օրեր առաջ Ստոկհոլմում կայացած «Եվրատեսիլ-2016» երգի միջազգային մրցույթին` հրապարակելով հաղթած մասնակից Ջամալայի ու 3-րդ հորիզոնականը զբաղեցրած Ռուսաստանի ներկայացուցիչ Սերգեյ Լազարևի վերաբերյալ ծաղրանկար:

Ինչպես նշում է lenta.ru-ն, երգիչները ներկայացված են երգող խոզերի տեսքով:

Լուսանկարին կից գրված է. «Ուկրաինան «Եվրատեսիլում» հաղթեց Ռուսաստանին: Տաղանդը զիջեց քաղաքականությանը»։

«Եվրատեսիլ-2016» երգի միջազգային մրցույթում Հայաստանը ներկայացրել է Իվետա Մուկուչյանը՝ 249 միավորով զբաղեցնելով 7-րդ տեղը։