Եղանակն՝ այսօր
Բեռլինյան բունկերում անհետացած իտալական վերածննդի քանդակները հայտնաբերվել են Մոսկվայում
Իտալական Վերծննդի դարաշրջանի քանդակագործների տասնյակ ստեղծագործություններ Բեռլինի Բոդե թանգարանից, որոնք, համարվում էր, որ անհետացել են Երկրորդ աշխարհամարտի տարիներին, հայտնաբերվել են Մոսկվայում` Պուշկինի անվան Կերպարվեստի թանգարանում:
BBC-ի հաղորդմամբ` խոսքը Դոնատելլոյի, Նիկոլո և Ջիովանի Պիզանոների, Տինո դի Կամաինոյի, Անդրեա դել Վերրոկկոյի, Լուկա դելլա Ռոբբիայի և այլ վարպետների գործերի մասին է:
Նախկինում կարծում էին, որ իտալացի վարպետների գործերը, որոնք պատերազմի ժամանակ կորել էին բեռլինյան բունկերներից մեկում, չեն պահպանվել:
Մոսկվայի Կերպարվեստի թանգարանը Ֆլորենցիայի արվեստների պատմության գերմանական ինստիտուտին զեկույց է ներկայացրել 59 քանդակները հայտնաբերելու մասին:
Նշվում է, որ քանդակները լրջորեն վնասվել են 1945-ին և վերականգնման կարիք ունեն:
Studio One