Ֆիլիպ Կիրկորովն ադրբեջաներեն է խոսել Բաքվում կայացած փառատոնին (տեսանյութ, լուսանկարներ)

49-ամյա երգիչ Ֆիլիպ Կիրկորովը Բաքվում կայացած «Տապ» («Жара») երաժշտական փառատոնի առաջին իսկ օրը զարմացրել է հանդիսատեսին. նա սկսել է իր ելույթն ադրբեջաներեն խոսելով, հայտնում է life.ru-ն:

Երգիչը ողջունել է բաքվեցիներին՝ խոստովանելով, որ «մեծ պատիվ է համարում Բաքու հրավերը»: Ինչպես նշում է լրատվամիջոցը, երգիչը տասը րոպե տևողությամբ ելույթ է անգիր արել:

«Ես ուրախ եմ կրկին երգել ձեզ համար, այսքան տարի անց»,- ասել է նա բեմից: «Այս ամռան ամենատաք երաժշտական փառատոնին այսօր ձեզ համար կհնչեն իմ լավագույն և սիրված երգերը»,- հավելել է նա:

Նշվում է, որ Կիրկորովը համերգներ չէր ունեցել Ադրբեջանի տարածքում ավելի քան 15 տարի: Նա չէր ստանում մենահամերգների թույլտվություն Ադրբեջանի մշակույթի նախարարության կողմից:

Երգիչն ունի հայկական արմատներ, նրա պապի անուն-ազգանունը եղել է Ֆիլիպ Գրիգորյան։