Ավստրալական ինքնաթիռը արտակարգ վայրէջք է կատարել ուղևորների կռվի պատճառով

11:16 • 21.07.16

Ավստրալական Jetstar Airways լոուքոսթերը, որը Սիդնեյից ուղևորվում էր թայլանդական Փհուկետ քաղաք, ուղևորների միջև կռվի պատճառով հարկադիր վայրէջք է կատարել Ինդոնեզիայում, հայտնում է BBC-ի ռուսական ծառայությունը:

 

Վեճը տեղի է ունեցել ինքնաթիռի 6 ուղևորների միջև: Օդանավի հրամանատարն ի վերջո որոշում է կայացրել Բալի չծրագրված վայրէջք կատարել: Բալիում աղմկոտ ուղևորները փոխանցվել են տեղի ոստիկանությանը:

 

Ավստրալական ԶԼՄ-ները նաև միջադեպի մանրամասներ են ներկայացվում: Նույն չվերթի մեկ այլ ուղևոր պատմել է, որ վիճաբանության ժամանակ կոնյակի շիշ է կոտրվել:

 

Facebook-ի օգտատերերից մեկը, ում ընկերները ինքնաթիռում են եղել, գրել է, որ միջադեպը սարսափելի է եղել. լաց էին լինում կանայք և երեխաներ, ամենուր արյուն էր: