Փարիզում Սաուդյան թագավորական ընտանիքի անդամից մեկ միլիոն եվրո արժողությամբ ժամացույց են գողացել

20:07 • 05.08.16

Փարիզ կատարած այցի ժամանակ Սաուդյան թագավորական ընտանիքի անդամից ժամացույց են գողացել, որի արժողությունը, տուժածի խոսքերով, ավելի քան մեկ միլիոն եվրո է կազմում, հաղորդում է The Independent-ը:

Ըստ հրատարակության տվյալների` կինը, որի անունը չի նշվում, Փարիզի երկրորդ շրջանում զբոսանքի ժամանակ հարձակման է ենթարկվել: Նա ասել է, որ երկու հարձակվողներն իր դաստակից պոկել են թանկարժեք աքսեսուարն ու դեպքի վայրից փախուստի դիմել, ինչից հետո կինը մոտակա ոստիկանական բաժանմունք է ուղևորվել:

Նշվում է, որ միջադեպի վերաբերյալ հետաքննությամբ զբաղվում է ավազակության դեմ պայքարի ստորաբաժանումը, սակայն օգոստոսի 5-ի տվյալներով կալանքներ չեն իրականացվել: