Ռիոյում մարոկացի բռնցքամարտիկը մենամարտի նախօրեին ձերբակալվել է բռնաբարության մեղադրանքով

Ռիո դե Ժանեյրոյի իրավապահները ձերբակալել են մարոկացի բռնցքամարտիկ Հասան Սաադային, ով  մեղադրվում է 2 բրազիլուհիների բռնաբարության համար:

Ինչպես նշում է The Independent-ը, 22-ամյա մարզիկի ձերբակալությունը տեղի է ունեցել Օլիմպիական առաջին մենամարտի նախօրեին:

Ոստիկանություն բողոք ներկայացրած կանանց պնդմամբ, Սաադան իրենց հանդեպ սեռական բնույթի հանցագործություն է կատարել Օլիմպիական գյուղում, որտեղ կանայք աշխատել են որպես մատուցողուհիներ:

Հայտնի է, որ մարզիկը բանտում կանցկացնի 15 օր, իսկ այդ  ընթացքում ոստիկանությունը բռնաբարությունների վերաբերյալ հետաքննություն կանցկացնի:

Աղբյուրը մանրամասնում է, որ թեթև քաշային կարգում  հանդես եկող Սաադան այսօր պետք է մենամարտեր թուրք բռնցքամարտիկ Մեհմեթ Նադիր Ունալի հետ: Հայտնի է, որ այս միջադեպից հետո մարոկացին որակազրկվել է ու այլևս չի մասնակցի Օլիմպիական խաղերին: