Աշխարհի խոշորագույն ավիաընկերությունը չեղարկել է բոլոր չվերթները
Աշխարհի խոշորագույն ավիափոխադրողը համարվող ամերիկյան Delta Airlines ավիաընկերությունը չեղարկել է իր բոլոր չվերթները։ Ավիաընկերությունը Twitter-ի իր էջում գրել է, որ չեղարկման պատճառ են դարձել համակարգչային համակարգի աշխատանքի խափանումները։
Lenta.ru-ն նշում է, որ այդ անսարքությունների պատճառով ուղևորները չեն կարողանում չվերթների համար գրանցվել։ Այժմ մասնագետներն աշխատում են անսարքությունների վերացման ուղղությամբ։
Breaking News պորտալը հաղորդում է Լոնդոնի Հիթրոու, Լոս Անջելեսի, Սիեթլ Տակոմայի (Վաշինգթոն նահանգ), Սան Ֆրանցիսկոյի և Հռոմի Ֆյումիչինո օդանավակայաններում ավիաընկերության չվերթների ուշացման մասին։










