Եգիպտոսցի ձյուդոիստը հրաժարվել է սեղմել հրեա մրցակցի ձեռքը

16:31 • 14.08.16

Եգիպտոսցի ձյուդոիստ Իսլամ Էլ Շեհաբին Ռիո դե Ժանեյրոյում ընթացող Օլիմպիական խաղերի ժամանակ կրած պարտությունից հետո հրաժարվել է սեղմել իր մրցակցի՝ ազգությամբ հրեա Օռ Սասոնի ձեռքը:

Ինչպես նշում է Al Arabiya-ն, Սասոնի կողմից տապալվելուց ու պարտվելուց հետո եգիպտոսցին վեր է կացել ու, տեսնելով հրեա մրցակցի առաջ պարզած ձեռքը, հետ գնացել՝ մերժողաբար տարուբերելով գլուխը:

Շահեբիի նման ոչ մարզական պահվածքից հետո հանդիսատեսը դժգոհել է ու սկսել սուլել նրա հետևից:

Մինչդեռ Ձյուդոյի միջազգային ֆեդերացիայի նախագահ Նիկոլաս Մեսները, արձագանքելով տվյալ միջադեպին, նշել է, որ միայն այն փաստը, որ արաբական երկիրն ընդունել է Իսրայելի հետ մրցակցելու մարտահրավերը, արդեն իսկ մեծ նվաճում է: