Նյու Յորքի օդանավակայանում կրակոցների մասին տեղեկատվությունը կեղծ է եղել

10:06 • 15.08.16

Նյու Յորքի Ջոն Քենեդիի անվան միջազգային օդանավակայանի ներկայացուցիչը հայտարարել է, որ նախնական քննությունը վկայում է, որ օդանավակայանում կրակոցների մասին տեղեկությունը կեղծ է եղել, հայտնում է PIX11 հեռուստաալիքը։

 

Օդանավակայանի ներկայացուցիչ Սքոթ Լեդի խոսքով՝ օդանավակայանի առաջին և ութերորդ տերմինալներում չեն հայտնաբերվել կրակոցների ապացույցներ։

 

Նա հավելել է, որ տարհանումն իրականացվել է նախազգուշական նկատառումներով։

 

Այժմ ոստիկանները շարունակում են տեղի ունեցածի հետաքննությունը։

 

Ավելի վաղ հաղորդվել է, որ ոստիկանությունը հետաքննում է Նյու Յորքում Քենեդիի անվան միջազգային օդանավակայանում ութերորդ տերմինալի ներսում կրակոցների մասին հաղորդագրությունները։