Հանչժոուի իշխանությունները G20-ի անցկացման ժամանակ կարգելեն բեռնատարների մուտքը քաղաք

08:46 • 15.08.16

Սեպտեմբերի սկզբին G20 գագաթաժողովը հյուրընկալող չինական Հանչժոուի իշխանությունները միջոցառման անցկացման օրերին կարգելեն բեռնատարներին մուտք գործել քաղաք:

 

Ինչպես նշում է ria.ru-ն, արգելքը, որը տևելու է օգոստոսի 28-ից մինչև սեպտեմբերի 6-ը ներառյալ, վերաբերելու է նաև տրակտորներին:

 

Աղբյուրը հավելում է, որ քաղաքային իշխանությունները տվյալ ժամանակահատվածում կարգելեն նաև Հանչժոու մտնել զենք-զինամթերք, պիրոտեխնիկա, թունավոր քիմիկատներ ու ռադիոակտիվ նյութեր տեղափոխող մեքենաներին:

 

Բացի այդ, կձեռնարկվեն համապատասխան միջոցառումներ քաղաքի փողոցներում մեքենաների հոսքը թեթևացնելու նպատակով:

 

G20 գագաթաժողովն անցկացվելու է սեպտեմբերի 4-5-ը: Դրա առանցքային թեման է լինելու «Նորարարական, առողջ, փոխկապակցված ու ներառական համաշխարհային տնտեսության կառուցումը»: