Մոսկվան մտադիր չէ խզել Ուկրաինայի հետ դիվանագիտական կապերը. Լավրով

13:47 • 15.08.16

Ռուսաստանի արտգործնախարար Սերգեյ Լավրովը Գերմանիայի արտգործնախարար Ֆրանկ Վալտեր Շտայնմայերի հետ համատեղ մամուլի ասուլիսի ժամանակ հայտնել է, որ Մոսկվան մտադիր չէ խզել Ուկրաինայի հետ դիվանագիտական կապերը:

 

«Չեմ կարծում, որ տվյալ իրավիճակում ինչ-որ մեկը հետաքրքրված է դիվանագիտական հարաբերությունների խզմամբ: Հիմա ամենակարևոր բանը հուզականությանը չտրվելն ու ծայրահեղ գործողությունների չդիմելն է: Իրավիճակի կայունացումն անհրաժեշտ է զուսպ և կենտրոնացած կերպով ապահովել»,- մեջբերում է ТАСС-ը նախարարի խոսքերը:

 

Լավրովը նաև նշել է, որ ինքը Շտայնմայերի հետ քննարկել է «Ուկրաինայում տիրող իրավիճակը, որը լուրջ մտահոգություններ է առաջացնում», և Մինսկի պայմանավորվածությունների հիման վրա ճգնաժամի կարգավորումը: