Իտալիայում երկրաշարժի հետևանքով ավերվել կամ վնասվել է մոտ 300 պատմական շինություն

Իտալիայում երկրաշարժը վնասել կամ ավերել է 293 շինություն, որոնք պատմական նշանակություն ունեն: Այս մասին հայտարարել է Իտալիայի մշակույթի նախարար Դարիո Ֆրանչեսկինին:

Իտալիայի կենտրոնական հատվածում լույս չորեքշաբթի գրանցվել է 6 մագնիտուդ հզորությամբ երկրաշարժ: Ավերածությունները գրանցվել են Լացիո, Ումբրիա և Մարկե շրջաններում: Այս ընթացքում Ապենիններում գրանցվել է մոտ 500 ստորգետնյա ցնցում:

Ինչպես հաղորդում է France Press-ը՝ շատ դեպքերում խոսքը XIII-XIV դարերի տաճարների, պալատների և հուշարձանների մասին է: Տարերքն ամբողջովին ոչնչացրել է Ամատրիչեի պատմական կենտրոնը, որը ժամանակին անվանել են «100 եկեղեցիների քաղաք»:

Շրջանում սեյսմիկ ակտիվությունը չի դադարում: