Եղանակն՝ այսօր
Գրականության ոլորտում Նոբելյան մրցանակը շնորհվել է Բոբ Դիլանին
2016 թվականին գրականության ոլորտում նոբելյան մրցանակը շնորհել են ամերիկացի երաժիշտ և հեղինակ-կատարող Բոբ Դիլանին: Այդ մասին հայտարարել է Շվեդիայի գիտությունների թագավորական ակադեմիայի մշտական քարտուղար Սառա Դանիուսը:
Մրցանակը շնորհվել է «ամերիկյան երգի ավանդույթի շրջանակներում նոր պոետիկ արտահայտչականության ստեղծման համար»:
Գրականության մրցանակը դարձել է այս տարի հանձնվող Նոբելյան վերջին մրցանակը: Մրցանակի հանձնման հանդիսավոր արարողությունը տեղի է ունենալու դեկտեմբերի 10-ին, Ստոկհոլմում:
Անցած տարի գրականության ոլորտում Նոբելյան մրցանակը ստացել էր բելառուս գրող Սվետլանա Ալեքսիևիչը:
Ավելի վաղ հաղորդվել է, որ տնտեսագիտության բնագավառում հեղինակավոր Նոբելյան մրցանակի դափնեկիրներ են դարձել Հարվարդի համալսարանի և Մասաչուսեթսի տեխնոլոգիական ինստիտուտի պրոֆեսորներ Օլիվեր Հարթը և Բենգթ Հոլմսթրյոմը:
Նախքան այդ՝ հայտարարվել էին բժշկության և ֆիզիոլոգիայի, քիմիայի, ֆիզիկայի և խաղաղության բնագավառներում հաղթողների անունները:
Studio One