Լեոնարդո Դի Կապրիոն խեղդվելուց է փրկվել վավերագրական ֆիլմի նկարահանումների ժամանակ

Ամերիկացի դերասան Լեոնարդո Դի Կապրիոն «հազիվ է ողջ մնացել» «Մինչ ջրհեղեղը» վավերագրական ֆիլմի նկարահանումների ժամանակ։ Ինչպես հայտնում է US Magazine-ը՝ այդ մասին պատմել է ռեժիսոր Ֆիշեր Սթիվենսը։

Դեպքը տեղի է ունեցել 2010 թվականին Գալապագոսյան կղզիներ արշավի ժամանակ։ Դի Կապրիոն դայվինգի ժամանակ եղել է օվկիանոսագետ Սիլվիա Էրլի «զուգընկերը», իսկ Սթիվենսը՝ դերասան Էդվարդ Նորթոնի։

Սթիվենսը հարցրել է Դի Կապրիոյին՝ համաձայն է արդյոք վերցնել փոքրիկ տեսախցիկն ու նկարահանել Էրլին, դերասանն էլ համաձայնել է։

Թիմը սուզվել է ջրում, սակայն 20 րոպե անց նա «կորցրել» է իր բոլոր գործընկերներին։

«Այնուհետ տեսա, որ Լեոն հազիվ է շնչում, որովհետև թթվածնային բալոնից արտահոսք էր տեղի ունեցել»,- ասել է Սթիվենսը՝ հավելելով, որ Դի Կապրիոյին փրկել է Նորթոնը։ Չնայած այդ միջադեպին՝ դերասանը հասցրել է մի քանի կադր անել ֆիլմի համար։

Վերջերս թողարկվել էր ֆիլմի թրեյլերը։