Փրինսի կալվածքը կգործի որպես թանգարան

Հոկտեմբերի 28-ին ԱՄՆ Մինեսոտա նահանգում կբացվի ամերիկացի երաժիշտ Փրինսի կալվածքը` որպես լիարժեք թանգարան, հաղորդում է Associated Press-ը:

Նշվում է, որ հոկտեմբերի սկզբին Փեյսլի Պարկը բացվել է այցելուների համար, սակայն մուտքը սահմանափակ է եղել, և Շանհասենի քաղաքային խորհուրդն էքսկուրսիաների անցկացման ժամանակավոր թույլտվություն է տվել:

Թանգարանի աշխատակիցների խոսքերով`ցուցանմուշները կարող են գրավել տարեկան ավելի քան 600 հազար այցելուի:

«Փրինսի թանգարանը մեզնից երկար կապրի»,- ընդգծել է թանգարանի համադրողը:

Հիշեցնենք, որ Փրինսը մահացել է 2016 թվականի ապրիլի 21-ին` 58 տարեկանում: