2016թ.-ի վարքագրությունը՝ մասմեդիայի կատարմամբ. ո՞րն է տարվա ամենաազդեցիկ հրապարակումը/Բ մաս/

17:12 • 29.12.16

Ո՞րն է մասմեդիա 2016–ի ամենաազդեցիկ հրապարակումը. այս հարցը ներառված է Tert.am-ի՝  տարվա գլխավոր իրադարձություններն ամփոփող «Ստեղծագործական Հայաստան» նախագծում, որին արդեն պատասխանել են հայտնի գրողներ, քաղաքական գործիչներ, ՏՏ ոլորտի բոմոնդը: Ինչպես նախորդ տարի, մեր  այս պլատֆորմին են միացել կրթության հայ գուրուներ, հանրահռչակ երաժիշտներ, թատրոնի և կինոյի, գեղանկարչության և քանդակի բացառիկ անուններ: Սակայն մեդիայի՝ երկրի նյարդերն առանց մեդիագործիչների շոշափելն, ուղղակի,  անարդար կլիներ: Մեր նախորդ թողարկմամբ մենք հրապարակեցինք շուրջ 100-ից ավելի մեր գործընկերների հետ  անցկացված հարցախույզի առաջին մասը. հիշեցնենք՝  մասնակիցները  բացառապես գրավոր պատասխաններ  են ներկայացրել, իսկ մենք՝ հավատարիմ մեր խոստմանը,  զերծ ենք մնացել խմբագրական որևէ միջամտությունից:

 

Հրայր Թամրազյան/Ազատություն ռադիոկայանի հայկական ծառայության ղեկավար/- Մասմեդիայի ամենաազդեցիկ հրապարակումը. Քրիստինե Աղալարյանի և Էդիկ Բաղդասարյանի հետաքննությունը Միհրան Պողոսյանի օֆշորային հարստությունների մասին, որը կոչվում է «Պանաման նվաճած հայ գեներալը. Միհրան Պողոսյանի օֆշորային ընկերությունները և հաշիվները շվեյցարական բանկերում»։ Այս հետաքննությունը ունեցավ հետևանք։ ԴԱՀԿ ղեկավարին աշխատանքից ազատեցին։ Եթե շատ լինեն այսպիսի հրապարակումներ հետաքննություններ մեր հասարակությունը իսկապես կարող է առաջ գնալ։ Այս դեպքում մեր մամուլը լիովին կատարեց իր դերը, ծառայեց հանրությանը։ 

 

Հերմինե Բաղդասարյան /Հ1, «Առաջին լրատվական»/– Ապրիլյան շարքից տպավորիչ շատ նյութեր են հրապարակվել, բայց Հայաստանում մինչև հիմա չեղածի պես «ազդեցիկ»  «Հետք»-ի պանամական օֆշորներն էին:

 

 

 Հովիկ Չարխչյան /գրող, հրապարակախոս/ -Տարվա ընթացքում, հատկապես ապրիլյան և հուլիսյան իրադարձությունների ժամանակ նաև լրագրողական հրաշալի աշխատանքների ականատեսը դարձանք, բայց եթե առանձնացնելու լինեմ մեկին, ապա պիտի նշեմ ոչ թե քաղաքական, այլ մշակութային անդրադարձը: Այս իմաստով ողջ տարվա ընթացքում հաճույքով հետևել եմ Yerevan.today կայքի «Բարձր գրականություն» շարքին, որ վարում էր Արքմենիկ Նիկողոսյանը: 

 

Արքմենիկ Նիկողոսյան/ «Անտարես» հրատարակչության գլխավոր խմբագիր, գրաքննադատ/-«Հետք»-ի տարբեր հետաքննություններն ու Մհեր Արշակյանի հրապարակումները «Սիվիլնեթում»:

 

Հարություն Հարությունյան/Հ1, քաղաքական և լրատվական ծրագրերի ղեկավար/- Շատ հրապարակումներ կան, որոնց մասին կուզեի նշել,  բայց «Առավոտ» օրաթերթի կայքէջում Աննա Իսրաելյանի «Դեժավյու» հոդվածը կարծում եմ լավագույնն էր ։ Իհարկե չեմ կարող չնշել «Հետք» էլեկտրոնային պարբերականի լրագրողական հետաքննությունների, ինչպես նաև ապրիլյան պատերազմի օրերին «Հետքի» կատարած աշխատանքների մասին։

           

       

Մարգարիտ Սարգսյան/հեռուստալրագրող, Պետական գույքի կառավարման վարչություն/-  Արամ Աբրահամյանի առաջնորդողները և ՎԱՐԴուհի Սիմոնյանի հարցազրույցները:

 

 

Արմինե Ավետյան /«Հայկական ժամանակ»/- Վերջինը հավեսով կարդացել եմ ՎԱՐԴուհի Սիմոնյանի հարցազրույցը մի անանուն տղամարդու հետ և դրանից եմ տպավորվել: Դա ինձ շատ դուր եկավ: Կարող ես համարել, որ ես սա եմ նշում:

 

Զարուհի Մեջլումյան /«Հետք»/- էն, ինչ մտածում եմ, մի տեսակ ինքնագովեստի պես բան է ստացվում, բայց սա:

Երբ ուսանողներիս հետ բանավեճ ենք կազմակերպում, ամենաթեժը հակազդում են լրագրողական աշխատանքի արդյունավետության թեմայով: Մոտավորապես այսպես` բայց ի՞նչ է փոխվում, երբ տարիներով գրում եք անարդարությունների մասին՝  ես էլ մեծ էկրանի վրա ցույց եմ տալիս «Հետքի» նմանատիպ հրապարակումները:

 

Մի քիչ ինձ հանգիստ են թողնում: Հիմա պետք է հետևողական լինել, որ տղան նորմալ բուժում ստանա Անարդարությունների մասին համառ ու հետևողական բարձրաձայնումներով նպաստել մարդկանց ճակատագրերում դրական փոփոխությունների, ահա իմ պատկերացրած փոփոխությունների մեդիայի բանաձևը: Անհամե՞ստ է ստացվում, երբ իմ  հրապարակման մասին եմ ասում:

 

 

Անժելա Թովմասյան /« Հայելի»/-  «Չորրորդ իշխանություն», Արմեն Բաղդասարյանի հոդվածները: 

 

Գայանե Աբրահամյան/«Երկիր մեդիա» «Կլոր սեղան» հեռուստաշարքի հեղինակ, «Հոդված-3»  ակումբի հիմնադիր/

Լրագրողները շատ վատ ընթերցող են, ու այս հարցն ինձ սթափեցրեց մի տեսակ. հասկացա, որ իրականում մեր գործընկերների նյութերը  քիչ ենք կարդում. ես բացի լուրերից, «Հետքի»  հետաքննություններից, որոնք զուտ գործնական են լինում, այլ բան չեմ կարդում: Իսկ կարդալու հաճույք ստանում եմ և  ամբողջովին տրվում կարդալուն միայն ՎԱՐԴուհի Սիմոնյանի հարցազրույցները, Լիլիթ Ավագյանի  ու Մհեր Արշակյանի  հրապարակախոսությունը:

Ու հավատա, սա չեմ ասում, քանի որ քեզ եմ գրում, եթե ուրիշ մարդ հարցներ, առանց երկար- բարակ մտածելու, քո հարցազրույցներն էի ասելու ու վերջ:

 

 

 Անահիտ Խաչատրյան /Hayastan24.com, խմբագիր/- Հաճույքով եմ կարդում «Փաստ» թերթում Գոհար Սիմոնյանի միջազգային նորությունների վերլուծությունները, կառանձնացնեի նաև երկու հրապարակում. Լիլիթ Ավագյանի՝ «Արթուր Սարգսյան. մեկ մարդու ֆենոմենը» և ՎԱՐԴուհի Սիմոնյանի «Արցախ. իմ երեխաներ. և դարձյալ «Հանուն հոր և որդու» :

 

Գնել Նալբանդյան-/Արմենիա հեռուստատեսության  «Ժամը» լրատվական ծրագրի և Նյումեգ ամսագրի գլխավոր խմբագիր/ – «Ժամը» լրատվականի լրագրողների համոզմամբ՝ այս տարվա ամենաազդեցիկ ռեպորտաժի հեղինակը Նաիրի Մուրադյանն է: Նա եղել է մարտական գործողությունների գոտում և ներկայացրել է Ապրիլյան պատերազմի հերոսներին:

Լիլիթ Մելքոնյան /հ2,  հեռուստամեկնաբան , լրագրող /- Tert.am, ՎԱՐԴուհի Սիմոնյան , «Հայաստանում մեկ կռիվ կա. գրագետների ու անգրագետների կռիվը» 2015-ի  2-րդ ամսին արված դիտարկում, որը 2016-ի դեկտեմբերին հաստատվում է որպես ճշգրիտ «ախտորոշում»: Երկար այս նյութի ազդեցության տակ էի, ամենաբարդ իրականության հրաշալի բանաձևային վերլուծություն է: 

 

Արտակ Եղիազարյան / News.am/ - «Կրկնակի խտրականություն. խոցելին խոցելիների մեջ. չհաշվառված ճակատագրեր»: Հեղինակ՝ Սոնա Մարտիրոսյան:           


«Քո պատերազմը լուսաբանելիս խախտում ես բոլոր կանոնները, որովհետև պատերազմող կողմերից մեկը դու ես». Էդիկ Բաղդասարյան, մականունը՝ Ժուռնալիստ»: Հեղինակ՝ Նաիրա Փայտյան:    

Ես սուբյեկտիվ մարդ եմ, կարող եմ ասել՝ միայն այս հոդվածները, որոնք ազդեցիկ էին ինձ համար։

Վարուժան Բաբաջանյան /«Փաստ» օրաթերթ/ Հետքում մի լավ ռեպորտաժ կար Մոնղոլիայից եկած ընտանիքի մասին, թերևս ինձ համար դա էր ազդեցիկը:

 

 

Հայկուհի Ասատրյան /Նյումեգ , հանրային կապերի մասնագետ/- ՎԱՐԴուհի Սիմոնյանի  «Հանուն հոր և որդու» ամբողջ շարքը։ 

 

Սաթիկ Սեյրանյան /«168 ժամ», գլխավոր խմբագիր/- Անկեղծ ասած՝ էնքան շատ են եղել, որ մեկին չեմ կարող նշել.ինչ արած:


Անուշ Հարությունյան /լրագրող, հանրային կապերի մասնագետ/ -Մհեր Արշակյանի որ նյութն ուզում ես ընտրիր, իր բոլոր հրապարակումներն ազդեցիկ են:

 

Աղվան Ասոյան- /«Արմենիա» ՀԸ, «ժամը»/- Հետքի` «Պանաման նվաճած հայ գեներալը»: Հեղ.՝ Քրիստինե Աղալարյան, Էդիկ Բաղդասարյան և «Նյումեգ» ամսագրում Գնել Նալբանդյանի այս խմբագրականը:

 

 

 

Արթուր Հայրապետյան /գրող, լրագրող/- Ես այս անգամ ինչ-որ երկար մտածեցի: Հետո հասկացա, որ էլ չեմ ազդվում, էլ ուր մնաց ամենաազդեցիկ հրապարակումը մտիս առնեմ: Մեզ էն օրը չեն գցել, որ ազդվենք... Բայց անկեղծ հիշեցի Վանոյի ծննդյան օրվա առիթով ՎԱՐԴուհի Սիմոնյանի հարցազրույցը Նորայր Այվազյանի հետ: 

 

Հասմիկ Համբարձումյան /Panorama.am/- Ազդեցիկն իմ կարծիքով սա էր, որն ունեցավ երջանիկ ավարտ: Hetq.am, Զարուհի Մեջլումյան։

Իսկ ընդհանրապես, «Հետք»-ի բոլոր հոդվածներն էլ ես շատ ազդեցիկ եմ համարում:

Հռիփսիմե Առաքելյան /Խմբագիր, Տեղեկատվության և հասարակայնության հետ կապերի վարչության պետ/ - Այս նյութն  եմ ընտրում…Լուսինե Հովհաննիսյանի այս նյութը  շատ նման է իմ պապի տան պատմությանը, որն էլի Ղարաբաղում ա, էնքա՜ն ընդհանրություններ ունեմ էս ողջ պատմության հետ, շատ իմ մասին է...

 

Լուսինե Բադալյան /«Երկիր մեդիա»,  հեռուստամեկնաբան/ Tert.am, ՎԱՐԴուհի Սիմոնյան.  «Հայրենասիրություն թե խաղաղություն»: Ես մեկնաբանություն չունեմ, պարզապես խոնարհվում եմ: Եթե միայն մարդիկ կարդային ՎԱՐԴուհու հրապարակումները, որ մեկն էլ կարդային, շատ բան կփոխվեր, նույնիսկ իրենց օրգանիզմի ներսում ընթացող նյութափոխանակության մեջ: 

 

Ռուզան Մինասյան /«Առավոտ» իրավական լրագրող/- Տարին դրամատիկ էր.Պերմյակով, հունվարի տասներկուս, ապա ապրիլյան քառօրյա, հետպատերազմական լարվածություն՝ կապված մահացածների ընտանիքների ու վիրավորների օգնությունները կազմակերպելու հետ, կարճատև դադար Հռոմի պապի գալու հետ կապված...չանցած մի քանի օր՝ՊՊԾ գնդի գրավում, պաշտպանական ակցիաներ Խորենացի փողոցում...Հետևելով գործընկերներիս հրապարակումներին, կարող եմ անվարան ասել. սպասված հեղինակը ինձ համար մնաց Էդիկ Բաղդասարյանն իր առաջնագծից ուղարկված հրապարակումներով, անխտիր բոլորը: Իսկ տարվա հայտնությունը ինձ համար Սագո Արեանն է, arevelk.am-ով, որը Սիրիայից, Հալեպից որպես առաջին ձեռք տալիս է օպերատիվ բարձրորակ տեղեկատվություն: Նկատենք՝արևմտահայերենով, դրանով իսկ դառնալով սփյուռքի մեր հայրենակիցների հասկանալի մեդիախոսափողը:


 

Հովհաննես Երանյան /գրող,  «Yerevan. Today», խմբագիր/-Սարի թաղը նկարած բոլոր լրագրողների, բայց ավելի շատ օպերատորների աշխատանքը և  Էդիկ Բաղդասարյանի հրապարակումները Ղարաբաղից ՝ ապրիլին: 

 

Վրեժ Սարուխանյան /գրող, լրագրող/-  Քանի որ այդ հարահոսի մեջ մեկ նյութ դժվար է մասնավորել, ուստի առանձնացնում եմ հատկապես Վարդ Սիմոնյանի հարցազրույցների հեղեղը, որի կենսական պղտորության մեջ երևում են մեզ և մեր կյանքը ճիշտ ճանաչելու և հնարավորինս վերափոխելու զուլալ ակունքները...

 

Թագուհի Հակոբյան / Հրապարակ/- Պահպանողական կուսակցության նախագահ Միքայել Հայրապետյանի բոլոր հարցազրույցները տարբեր ԶԼՄ-ներով։ 

 

 

 

Աշխեն Քեշիշյան /«Հրապարակ»/- Մհեր Արշակյանի հրապարակումներն են առաջինը միտքս գալիս. «Պավլիկ Մանուկյանից մինչև Պավլիկ Մորոզով» և «Բաց նամակ ՀՀ քաղաքացուն»։

 

 

Անի Թադևոսյան / ԱՄՆ, լրագրող/ - Մատնանշում եմ Լոս Անջելեսում տպագրվող «Ասպարեզ» թերթի (asbarez.com) անգլերեն հրատարակության խմբագիր Արա Խաչատուրյանի լրագրությունը` այլ պետության մեջ քաղաքական դիրքորոշման պահպանման և առաջխաղացման համարձակությամբ, նյութի, ասելիքի, կարևորության ըմբռնումով: Ամերիկյան ընթերցողին հայ իրականության վերաբերող լուրերի մատչելի ապահովումը` գրագետ, նրբանկատ ու միաժամանակ անսանձ ու դիպուկ: Իր հոդվածներում նա նաև գնահատում է կարդացողի համբերությունը և գիտի բառերի հարկը: Պետք չէ անտեսել նաև ամերիկյան լրագրությունից որդեգրած նրա սեղմ ու կազմակերպ ոճը: Հումորով է ու ընկերասեր Արա Խաչատրյանը:
Հայաստանյանի դեպքում նախապատվությունը կտայի Վարդ  Սիմոնյանի և Էդիկ Բաղդասարյանի պատերազմական շարքին` 2016թ.-ի համար ամեն ինչը ստվերող սարսափելի պատերազմի ճշմարիտ փաստագրությանը:

Լիլիկ Ստեփանյան/հեռուստախմբագիր/- Էդիկ Բաղդասարյան, Ղարաբաղյան նոթեր, hetq.am: 

 

Արմինե Գևորգյան /Հանրային ռադիո, Ռադիոլուր/- 2016 թ. մի քանի հրապարակումներ են եղել, հատկապես՝ ապրիլյան պատերազմի մասին պատմող նյութեր, ռեպորատաժներ, բայց բացահայտող հոդված՝ «Պանաման նվաճած հայ գեներալը»: Իմ գործընկերոջ այս ռեպորտաժն էլ լավն էր շատ:

 

Դավիթ Ասլանյան /հեռուստախմբագիր, հանրային կապերի մասնագետ/ - Իհարկե, ՎԱՐԴուհի Սիմոնյանի հարցազրույցները. մեկը մյուսից լավ, մեկը մյուսից համով: Նույնիսկ չգիտեմ՝ որը նշեմ: Հետո երկրորդ, երրորդ տեղերը ազատ են, չորրորդում մեկը կլինի անպայման:

 

Գուրգեն Ալեքյան/Հանրային ռադիո, Մշակույթի նախարարություն/- Այս նյութը.Սիվիլնեթ, հեղինակ Մհեր Արշակյան։

 

Արման Յարալյան /Ռեժիսոր մուլտիպլիկատոր/- «Հետքի» «Պանաման նվաճած հայ գեներալը, Միհրան Պողոսյանի օֆշորային ընկերությունները և հաշիվները շվեցարական բանկերում» հեղինակներ՝  Քրիստինե Աղալարյան, Էդիկ Բաղդասարյան:

 

Ալինա Օրդյան /«Սպուտնիկ», գլխավոր խմբագիր/-2016 թ.-ին «Սպուտնիկ Արմենիան» հրապարակեց բացառիկ մի նյութ: Այն հուզեց ոչ միայն տեղի, այլև արտասահմանյան մեր հազարավոր ընթերցողներին: Հուզիչ այս մարդկային պատմությունը տարածվեց բազմաթիվ լրատվամիջոցներով: «Սպուտնիկ Արմենիան» արձագանքեց օսեթ բժիշկ Կուդզաևի ցանկությանը և 28 տարի անց օգնեց նրան գտնել երկրաշարժից տուժած իր հիվանդին՝ ձեռքի տակ ունենալով միայն 1988-ին արված բժշկի ու փոքրիկի լուսանկարը: Արմենուհի Մխոյանի այս նյութի հրապարակումից հետո «Սպուտնիկ Արմենիան» կազմակերպեց նաև բժիշկ Կուդզաևի հանդիպումը նրա հետ: Բժիշկը ցանկություն հայտնեց նաև հնարավորության դեպքում հանդիպում կազմակերպել իր հետ այդ տարիներին աշխատած հայ բժիշկների հետ: «Սպուտնիկ Արմենիայի» օգնությամբ հանդիպումը կայացավ, բայց ոչ միայն բժիշկների, այլև ևս մեկ հիվանդի հետ, ում կյանքը բարդ վիրահատությամբ փրկել էր Բժիշկ Կուդզաևը: Բժիշկը մեզ խոստովանեց, որ կոնքազդրի նման բարդ վիրահատությունից հետո այդ հիվանդի մայրանալը պարզապես հրաշք էր:

 

Վահրամ Պետրոսյան /Մոդերատոր մոդերա, բլոգգեր/- Tert.am-ի այս նյութը, և  միջազգայինից՝ սա. Մուռը դեռ հուլիսին էր կանխատեսել, որ Թրամփն է հաղթելու ու հստակ կետերով թվարկել՝ ինչու,

 

Հեղինե Ասրյան /«Արմնյուզ»/- Կուզեի նշել երկու նյութ.


1.Հ1, Սուսան Բադալյան «Պետության պոզիտիվ պարտավորությունը. Միայնակ տարեցների խնամք»:

2. Tert. am,ՎԱՐԴուհի Սիմոնյան «Արցախ. իմ երեխաներ. և դարձյալ «Հանուն հոր և որդու»։ 

 

 

 

Արա Ալոյան /Հ3-ի լրատվական և քաղաքական բաժնի տնօրեն, «Օրվա խնդիր» հաղորդաշարի հեղինակ, բանաստեղծ /- 2016 թվականն ամբողջապես հատկանշվեց մեզ համար ոչ այնքան հաճելի, եթե կուզեք՝ եղերական դիպվածներով: Առաջին հերթին խոսքը վերաբերում է ապրիլյան պատերազմին. ադրբեջանական կողմի սանձազերծած ռազմական սադրանքի հետևանքով հայկական կողմը կրեց անդառնալի մարդկային կորուստներ, զոհերի թիվը հատեց 100-ի սահմանագիծը...Հետո եղան հուլիսյան իրադարձությունները, ՊՊԾ գնդի գրավման զարգացումներն ու դրանց հոլովույթում ներքաղաքական ու իշխանական վերադասավորումները: Ինչ վերաբերում է ամենաազդեցիկ հրապարակմանը, ապա այն ինձ համար ապրիլյան պատերազմում հերոսացած զինվորի մասին ցանկացած հրապարակում է, նույնիսկ որևէ մեկի լուսանկարը....Ամենաազդեցիկը, թեևս, զինվորի այս  լուսանկարն է, որտեղ նա ի հեճուկս պատերազմի ու մահվան՝ ժպտում է հաղթանակած ու ՝ քաջասիրտ...

Հեղինակ՝ Վարդան Պետրոսյան

 

 

 

Կոնստանդին Տեր-Նակալյան /«Բլոգնյուզ» գլխավոր խմբագիր/- Երևի Հետքի առաջին ֆոտոշարքը Թալիշից, որ ծերերին սպանել ու դիակապտություն էին արել: http:

 

Արփի Մաղաքյան /ռեժիսոր, լրագրող/ - Տեղեկատվական այս հորձանուտում երբեմն մնում են մտքումդ անկեղծ նախադասություն, սուր միտք, արդարության կոչ, փաստ, վավերագրական ֆոտոկադր։ Այս տարի հայաստանյան մամուլում, ցավոք, չեմ մտաբերում որևէ ազդեցիկ, լուրջ հոդված՝ գոնե։ Հուզիչ էին ապրիլյան պատերազմի ճակատից Էդիկ Բաղդասարյանի լուսանկարներն ու տեղեկատվությունը, բայց ազդեցի՞կ... Երբ նոր էի մտնում լրագրության դաշտ ինձ թվում էր, թե ազդեցիկ նյութեր եմ գրելու և իրականություն փոխելու իմ հայրենիքում։ Հետո առնչվեցի նրան ինչ ունենք այսօր՝ տեղեկատվական պատերազմում մեղավորները կարողանում են ղեկը պտտել կառուսելի նման՝ լուրը, փաստը դարձնելով ժամկետանց կամ անկարևոր։

Քնար Բաբայան /Արցախ,ֆոտոլրագրող/- Թերևս Ազատության այս ֆիլմն է ուղեղումս տպվել: 

 

Աննա Վարդանյան- Արմենուհի Մխոյանի այս նյութը: 

 

 

Հասմիկ Պոդոսյան /Խմբագիր, ՀՀ ոստիկանության հասարակայնության հետ կապի և լրատվության վարչություն/- Մի քանի հրապարակում ինձ համար իրոք ազդեցիկ են եղել։ Բայց կառանձնացնեմ սա․ Tert.am հեղինակ ՎԱՐԴուհի Սիմոնյան 

 

Նարինե Մկրտչյան /լրագրող, Մանկավարժական համալսարանի լրագրության դասախոս/- Իմ համոզմամբ, այդ հարցին ընթերցողները պիտի պատասխանեն։ Ես ընդհանուր գնահատական կտամ՝ մամուլը (ԶԼՄ-ներն ընդհանրապես) հայաստանյան ԶԼՄ-ների համար բարդ անցնող տարում մասնագիտական առումով գուցե չեն արել անհնարինը, սակայն արել են հնարավորը։ Դա արդեն լուրջ ձեռքբերում է։ Ես կցանկանայի, որ գալիք տարում ԶԼՄ-ներն անեն անհնարինը։ Նրանք դա կարող են։ Ամեն դեպքում՝ կեցցեն մեջ լրատվամիջոցները։

Սյուզաննա Թուսինյան / Հանրային ռադիո/-Հետք, «Առաջնագծի զինվորները» (լուսանկարներ) լուսանկարիչ Հակոբ Պողոսյան 

Տիգրան Դանիելյան /Հ1/- Վահրամ Մարտիրոսյանի այս շարքը կառանձնացնեմ, media-am-ից: 

 էլեն Բադալյան / լրագրող,  Հ1-ի «Մատենադարան» ֆիլմաշարի սցենարիստ/- Երեկվանից մտածում եմ. չէի ուզում նայել ֆեյսբուքյան գրառումներիս պատմությունը, որ հիշեմ,  ուզում էի ենթագիտակցությունս առաջ բերեր: Ու ստացվեց. առավոտյան արթնացա ու հիշեցի՝ ոչ միայն էս տարվա, այլև ընդհանրապես երբևէ կարդացածս ամենաազդեցիկ ինտերվյուն. դա ՎԱՐԴուհի Սիմոնյանի այս հարցազրույցն էր: Փշաքաղվում եմ, հենց հիշում եմ  հոգեկան խնդիրներ ունեցող այդ տղայի պատասխանները: Իսկ Վարդի «թեթևությունն»  էնքան արժեքավոր էր էդ զրույցում: Շատ, շատ մարդկային էր էդ ամեն ինչը, կենդանի, հոգատար, ուրիշ ոչ մի լավ հոդված չեմ հիշում:  

 

Լևոն Փանոսյան /«Փաստ» օրաթերթ/-Անշուշտ, ազդեցիկ էին ապրիլյան պատերազմի մասին բոլոր պատմությունները, ռեպորտաժները, հարցազրույցները: Շատ ազդվեցի Թալիշի վայրագությունների մասին նյութերից: Ինքս էլ հարցազրույց արեցի գազանաբար սպանված Խալափյաների որդու հետ: Բայց նախապատվությունը տալիս եմ այս հրապարակմանը:

 

ՎԱՐԴուհի Սիմոնյան/ tert.am/ Բուն TV, արևելագետ Դավիթ Հովհաննիսյանի «Իսլամագիտություն» շարքը: 

 

Թաթուլ Հակոբյան / Սիվիլիթաս հիմնադրամ, վերլուծաբան/- Ինձ համար ամենաազդեցիկը հուլիսի 29-ի՝ իշխանությունների կողմից կազմակերպած լրագրողների և քաղաքացիների ծեծուջարդն էր Սարի թաղում: Ֆոտոլուրի ահա այս շարքը, որի հեղինակը Վահրամ Բաղդասարյանն է:

Ֆոտոլուրի կայքում դրված չեն այդ շարքի ամենից ազդեցիկ երկու նկարները: Այդ պատճառով ուղարկում եմ այլ կայքում պահպանվածը.

 

P.S.-Լրատվամիջոցներին առաջարկում ենք այս նախագիծը ռոտացիոն կարգով միմյանց փոխանցել. այս պահից սկսած որևէ մեդիառեսուրս կարող է հայտ ներկայացնել հաջորդ տարվա համար:

«Ստեղծագործական Հայաստան-2016» մեդիանախագիծ

ՎԱՐԴուհի Սիմոնյան
Հեղինե Ասրյան
Անահիտ Խաչատրյան 
Սյուզան Թոսունյան
Արթուր Խաչատրյան

 

ԼՐԱՀՈՍ

ՕՐՎԱ ԿԱՐԵՎՈՐ

Տեսանյութեր

23:54 • 22.11.24

Երևանը կհրաժարվի Բաքվի դեմ հայցերից, եթե կնքվի խաղաղության պայմանագիրը. Փաշինյան

23:52 • 22.11.24

Մանդատները դնելու խնդրանքով դիմել եմ Զեյնալյանին և Աղազարյանին, հուսով եմ Աղազարյանը ևս անարձագանք չի թողնի․ Փաշինյան

23:50 • 22.11.24

SMS` գրավոր տեքստով եմ խնդրել հրաժարական տալ պաշտոնյաներին, բայց ոչ ուշ երեկոյան. Փաշինյան

23:10 • 22.11.24

Կադրային վերջին փոփոխությունները ոչ թե կոնֆլիկտային են, այլ աշխատանքային են․ Փաշինյան

21:16 • 22.11.24

Փաշինյանը հող է նախապատրաստում իշխանությունը Աննա Հակոբյանին փոխանցելու համար, եթե դրսից ճնշումներ լինեն․ Հայկ Նահապետյան

12:29 • 21.11.24

Ինչո՞ւ մանկապարտեզը հոկտեմբերին չի բացվել, ստացվում է՝ սո՞ւտ եմ ասել. զգուշացնում եմ՝ մեկը չխախտի ժամկետը․ Փաշինյան

12:12 • 21.11.24

Մայթով քայլում ես, տեսնում 61 թվի «ԳԱԶ 66»-ի «ռամա» է դրված պապուց հիշատակ, տարե՛ք ձեր տուն, պատից կախեք. Նիկոլ Փաշինյան

11:05 • 21.11.24

Վահե Ղազարյանի հետ մանկությունից ընկերներ ենք, դա շատ հարցերում օգնել է, երբեմն՝ խանգարել․ Փաշինյան

21:03 • 20.11.24

Չենք սպասում 2026-ի ընտրություններին, ամեն բան անելու ենք, որ իշխանափոխությունը լինի մինչև այդ. Աննա Գրիգորյան

20:33 • 19.11.24

Վաղ թե ուշ Փաշինյանը կարմիր աստղով «պիլոտկա է» հագնելու, մոտ է այդ ժամանակը․ Հայկ Մամիջանյան

18:50 • 19.11.24

ԱրարատԲանկը` «Իմ անտառ Հայաստան»-ի կողքին․ Ազնավուրի անվան անտառ է հիմնվելու (տեսանյութ)

15:03 • 19.11.24

Սուբսիդիայի տոկոսը պահպանելով հնարավորինս նվազ՝ կավելացնենք քաղաքապետարանի եկամուտները. Ավինյան

14:07 • 19.11.24

«Ո՛չ 300 դրամներին»․ «Մայր Հայաստանը» Երևանի ավագանու նիստի ժամանակ ակցիա իրականացրեց

12:49 • 19.11.24

Մինչև 7 տարեկան երեխաները տրանսպորտով կերթևեկեն անվճար, թոշակառուները՝ 30% զեղչով. փոխքաղաքապետ

15:40 • 18.11.24

«Նոմա» ռեստորանը ներկայանում է նորովի. այն կընդունի իր հյուրերին նաև ձմռան ամիսներին

12:44 • 18.11.24

Այն, որ պաշտոնանկությունների մասին դուք գիշերն եք իմացել ու գրել, դա չի նշանակում, որ այդ գործընթացները տեղի են ունեցել գիշերը. Վահագն Ալեքսանյան

12:27 • 18.11.24

Հովիկ Աղազարյանի մասով կա հարուցված կարգապահական վարույթ, որը կունենա հետևանք. Վահագն Ալեքսանյան

12:18 • 18.11.24

Սափրվելը հետևանքներ էր ունենալու. մի՛ ափսոսացեք, շատ բան չենք կորցրել. Աղվան Վարդանյանը՝ պաշտոնանկությունների մասին

12:05 • 18.11.24

Այդ պաշտոնանկությունները դիտարկում եմ նախընտրական տրամադրությունների ներքո. Տիգրան Աբրահամյան

11:55 • 18.11.24

Օպերայի տարածքի շինությունները քանդելու ենք ու ստանանք կանաչ տարածք՝ մարդկանց օգտագործման համար. քաղաքապետ

11:54 • 18.11.24

Մենք մեր պահանջներում ավելի խիստ ենք լինելու, չենք հանդուրժելու անորակ սննդի մատակարարում մեր մանկապարտեզներ. Ավինյան

17:39 • 15.11.24

Վերելակը կանչեք՝ չի գա, գալիս մեծ-մեծ խոսում եք. Կոնջորյանը՝ ընդդիմությանը

16:18 • 15.11.24

Մե՞նք ենք «Հոկտեմբերի 27»-ի շահառուն, թե Անդրանիկ Քոչարյանը, որ այդ խառը վիճակում պաշտոնյաների ցանկ էր ներկայացնում, մեկն էլ ինքն էր. Քրիստինե Վարդանյան

13:21 • 15.11.24

Սասուն Միքայելյանի որդին այնքան լավ քաղաքապետ է, որ ասում են՝ «Սևակը Հրազդանի հետ է ամուսնացել»․ Անդրանիկ Քոչարյան

12:46 • 15.11.24

Կիրանցում անասունը սահմանն անցնու՞մ է. Փաշինյանը՝ Տավուշի մարզպետին

12:16 • 15.11.24

Ո՞վ է ում ձեռք առնում, ուզում եմ հասկանամ, ես «քյասիբի ռադիո» չեմ․ Փաշինյանն՝ իրավապահներին

12:05 • 15.11.24

Ոստիկանության զորքերը կենտրոնացված են Երևանում, այնպես կանենք, որ մարզերում էլ խնդիր չլինի. Փաշինյան

11:04 • 15.11.24

Դուք ոչ միայն Փաշինյանի, այլ Զավենիչի երկրպագուն եք. Խամոյանը՝ ՀԾԿՀ նախագահի թեկնածուին

15:48 • 14.11.24

Պարոն Աղազարյան Հովիկին ոչ ոք չի դատապարտի, որովհետև կառավարությունը չի ձախողվի. Աղազարյան

13:52 • 14.11.24

Կարդացի Անկախության հռչակագիրն ու սարսափելի եզրահանգման եկա՝ ՀՀ-ն չի կարող գոյություն ունենալ. Նիկոլ Փաշինյան

13:20 • 14.11.24

Բանակը մի՛ սրբագործեք, ասում են՝ մեր զինվորի ցավը տանեմ, դուրս կգա Մադագասկար․ Փաշինյան

12:34 • 14.11.24

Այսօրվա մեր հավաքական սոցիալ-հոգեբանությունն ու սոցիալ-մտածողությունն ապապետական է․ Փաշինյան

11:50 • 14.11.24

Աղազարյա՛ն, ջանդ յուղի, քո գլխին են սարքում, ա՛յ ընկեր, դու էլ ես նախկին դաշնակցական. Արթուր Խաչատրյան

11:21 • 14.11.24

Դուք Թուրքիային ու Ադրբեջանին՝ մեր անվտանգության երաշխավոր դարձնելը փաթեթավորել եք իրական Հայաստանի ներքո, որը շատ այլանդակ տեսք ունի. Քրիստինե Վարդանյան

11:02 • 14.11.24

Դուք ձգտում եք վերադարձնել պատմական Հայաստանը, որտեղ կաք դուք, չկա պետականություն ու կա գուբերնատոր դառնալու հնարավորություն. Արթուր Հովհաննիսյանը՝ ընդդիմությանը

20:37 • 13.11.24

Աթոռը պահելու համար Փաշինյանը պատրաստ է Պուտինի նկարը կախել գլխավերևում, հարց է՝ Պուտինը կտա՞, թե ոչ․ Նաիրա Կարապետյան

17:41 • 13.11.24

Չենք բարձրացնում Ադրբեջանի սահմանադրության փոփոխության հարցը, նույնը ակնկալում ենք իրենցից․ Փաշինյան

16:26 • 13.11.24

Այսօրվա ընդդիմությունը հաջորդ ԱԺ-ում չի լինի, իշխանությունն ավելի բարձր ձայներով կընտրվի․ Ալեն Սիմոնյան

15:47 • 13.11.24

Օկուպացված տարածքների խնդիրը ռազմական ճանապարհով լուծելու խնդիր դրված չէ․ Սուրեն Պապիկյան

14:51 • 13.11.24

Երիտասարդ տարիքում, երբ լսում էի «Կիլիկիա» երգը, լացում էի, երբ մեծացա, հասկացա՝ ինչի՞ լացեմ, Կիլիկիան՝ ուր, ես՝ ուր. Հովիկ Աղազարյան

Տեսնել բոլորը

Ամենից շատ կարդացված նյութեր Այսօր Երեկ Շաբաթվա

Տնտեսություն

Գիտություն/տեխնիկա

Մշակույթ

Սպորտ

Իրադարձային

Մամուլի տեսություն

Քաղաքականություն

Իրավունք

Ժամանց