Կառավարությունը սիրիահայերին աջակցություն տրամադրելու նպատակով ավելի քան 43 մլն դրամ հատկացրեց (տեսանյութ)

12:57 • 26.01.17

Կառավարության այսօրվա նիստին որոշում կայացվեց գումար տրամադրել Արտաքին գործերի նախարարությանը՝ մարդասիրական օգնություն տրամադրել սիրիական հակամարտությունից տուժած բնակիչներին։

Նախագիծը ներկայացրեց ՀՀ արտաքին գործերի նախարարի տեղակալ Շավարշ Քոչարյանը:

Այսպիսով` կառավարության պա­հուս­­տային ֆոնդից 2017 թվականի առաջին եռամսյակում կհատկացնի 43 միլիոն 368 հազար դրամ: Հատկացված գումարով սիրիահայերի համար կգնվեն առաջնային անհրաժեշտության պարագաներ, սնունդ, կենցաղային իրեր: