Մեծ Բրիտանիայում British Airways-ի և մետրոյի աշխատակիցները փետրվարին գործադուլ կանցկացնեն

23:45 • 27.01.17

Մեծ Բրիտանիայի մետրոպոլիտենի և British Airways ավիաընկերության աշխատակիցները հայտարարել են փետրվարին նախատեսված գործադուլների մասին:

 

Ինչպես հաղորդում է Daily Mail-ը, լոնդոնյան մետրոյի աշխատակիցները նախատեսում են 16-ժամյա գործադուլ իրականացնել փետրվարի 5-ին և 15-ժամյա գործադուլ`փետրվարի 7-ին: Գործադուլի անցկացման պատճառ է հանդիսացել աշխատատեղերի կրճատումը: 

British Airways ավիաընկերության աշխատակիցներն, իրենց հերթին, մտադիր են 6-օրյա գործադուլ իրականացնել, քանի որ կարծում են, որ իրենց աշխատավարձերն ամենացածրն են շուկայում:

 

 Հիշեցնենք, որ Մեծ Բրիտանիայում դեկտեմբերին փոստային ծառայության և երկաթուղային ընկերությունների հազարավոր աշխատակիցներ գործադուլներ են իրականացրել` ավիացիայի ոլորտի աշխատակիցների նախաձեռնած գործադուլի ֆոնին: