Թրամփը նախագահի պաշտոնում առաջին անգամ թռել է Air Force One ինքնաթիռով (լուսանկարներ, տեսանյութ)
Միացյալ Նահանգների նախագահ Դոնալդ Թրամփը երկրի ղեկավարի պաշտոնը զբաղեցնելուց հետո առաջին անգամ բարձրացել է Air Force One նախագահական ինքնաթիռն ու աշխատանքային այցով մեկնել Ֆիլադելֆիա նահանգ:
Ինչպես հայտնում է The Daily Mail-ը, 70-ամյա ղեկավարը, հասնելով օդանավի դռների մոտ, խախտել է ավանդույթն ու չի շրջվել իրեն ճանապարհողներին ձեռքով հրաժեշտ տալու համար:
Հայտնի է, որ ԱՄՆ 45-րդ նախագահը լրագրողներին հրավիրել է ներս՝ թույլ տալով լուսանկարել իրեն նախագահական օդանավում ու պատասխանելով նրանց հարցերին:
Թրամփը նկատել է, որ Air Force One-ը շատ հզոր ու գեղեցիկ օդանավ է, և նույնիսկ այն համեմատել է իր շքեղ մասնավոր ինքնաթիռի հետ:
Հիշեցնենք, որ նախընտրական քարոզարշավի ժամանակ Թրամփը տարբեր առիթներով հայտարարել էր, որ նախագահ ընտրվելուց հետո կհրաժարվի Air Force One-ից ու կշարունակի օգտագործել սեփական օդանավը:















