Եթե մենք հաշտվենք Ռուսաստանի հետ՝ հրաշալի կլինի. Թրամփի հարցազրույցը Fox News-ին (տեսանյութ)

11:01 • 27.01.17

ԱՄՆ նախագահ Դոնալդ Թրամփն ամերիկյան Fox News հեռուստաալիքին տված հարցազրույցում վերահաստատել է Ռուսաստանի հետ հարաբերությունները կարգավորելու և «Իսլամական պետություն» ահաբեկչական խմբավորման դեմ համատեղ պայքար ծավալելու մտադրությունը: 

«Մենք պետք է կարգավորենք մեր հարաբերությունները Ռուսաստանի հետ, ինչպես և մյուսների: Կա վարկած, որ մեզ դա չի հաջողվի, սակայն մենք կփորձենք... Եթե մենք հաշտվենք Ռուսաստանի հետ՝ հրաշալի կլինի: Դա լավ է Ռուսաստանի համար և լավ է մեզ համար», - ասել է Թրամփը:

Նա նաև ԻՊ-ին «իսկական պատուհաս» է անվանել: 

Ինչպես ավելի վաղ հայտնել է tert.am-ը՝ Թրամփը նաև մտադրություն է հայտնել հանգստյան օրերին հեռախոսազրույց ունենալ իր ռուս գործընկեր Վլադիմիր Պուտինի հետ:

Հիշեցնենք, որ Միացյալ Նահանգների և Ռուսաստանի Դաշնության ղեկավարները հեռախոսով զրուցել են նոյեմբերի 14-ին՝ նախագահական ընտրություններում 70-ամյա հանրապետականի տարած հաղթանակից հետո: Այն ժամանակ նախագահները բանավոր պայմանավորվածություն էին ձեռք բերել 2 երկրների միջև հարաբերությունները կարգավորելու հարցի շուրջ: