Ջորջ և Ամալ Քլունիները սպասում են զույգ երեխաների (լուսանկարներ)

Հոլիվուդի ամենահայտնի զույգերից դերասան Ջորջ Քլունին և մարդու իրավունքների հարցերով միջազգային կարգի փաստաբան Ամալ Քլունին պատրաստվում են զույգ երեխաներ ունենալ:

Ինչպես հաղորդում է The Daily Mail-ը, 55-ամյա Ջորջի և 39-ամյա Ամալի երեխաները լույս աշխարհ կգան հունիսին:

Ուրախալի լուրը հաղորդվել է ամերիկյան CBS հեռուստաալիքով հեռարձակվող շոուներից մեկի ժամանակ:


«Բեյոնսեն երկվորյակների սպասող միակ աստղը չէ: Այդ առիթով պետք է շնորհավորենք նաև Ջորջ և Ամալ Քլունիներին»,-հայտարարել է հաղորդավարուհի Ջուլի Չենը, որը նախապես տեղեկությունը ճշտել էր դերասանից:

Պարբերականը նշում է, որ Քլունիների ծնող դառնալու լուրին առաջիններից է արձագանքել դերասան Մեթ Դեյմոնը:

«Ջորջն ինձ համար շատ կարևոր մարդ է, իսկ նրա կինն ուղղակի հրաշք է: Ջորջը ջեքփոթ է շահել բոլոր առումներով. նա հոյակապ կին է: Վստահ եմ, որ նրաք չտեսնված ծնողներ են լինելու: Նրանց երեխաների բախտը բերել է»,-ասել է Դեյմոնը, ում ընկերությունը Քլունիի հետ շարունակվում է 10 տարուց ավելի:

Հիշեցնենք, որ Ջորջ և Ամալ Քլունիներն ամուսնացել են 2014թ. սեպտեմբերին: