Լոնդոնում կայացել է «50 երանգով ավելի մուգ» էրոտիկ ֆիլմի պրեմիերան (լուսանկարներ)

13:09 • 10.02.17

Միացյալ Թագավորության մայրաքաղաք Լոնդոնում կայացել է «50 երանգով ավելի մուգ» (Fifty Shades Darker) ֆիլմի պրեմիերան, որին ներկա են եղել գլխավոր դերակատարներ Դակոտա Ջոնսոնն ու Ջեյմի Դորնանը:

Ինչպես նշում է Tatler-ը, 34-ամյա Դորնանը, որն էրոտիկ ֆիլմում անսանձ կրքով է լցված Ջոնսոնի հերոսուհու նկատմամբ, Odeon Leicester Square կինոթատրոնի կարմիր գորգին է հայտնվել օրինակելի ամուսնու կերպարով՝ կնոջ ուղեկցությամբ:

Նշվում է, որ Ֆիլմի պրեմիերային ներկա գտնված աստղային հյուրերի թվում է եղել երգչուհի Ռիտա Օռան:

Ռեժիսոր Ջեյմս Ֆոլիի ֆիլմը, որը 2015թ. նկարահանված «Մոխրագույնի 50 երանգները» կինոնկարի շարունակությունն է, ունի 55 մլն դոլարանոց բյուջե: Դրա հաջորդ մասի նկարահանման աշխատանքները մեկնարկելու են 2018թ.:

Ջեյմի Դորնան, Դակոտա Ջոնսոն