ԱՄՆ սցենարիստների գիլդիայի գլխավոր մրցանակին են արժանացել «Լուսնի լույսը» և «Ժամանում» ֆիլմերը

Լոս Անջելեսում կայացել է ԱՄՆ սցենարիստների գիլդիայի ամենամյա մրցանակաբաշխությունը, որի ժամանակ գլխավոր պարգևներին են արժանացել «Լուսնի լույսը» (Moonlight) և «Ժամանում» (Arrival) ֆիլմերի սցենարիստները, հայտնում է Reuters-ը:

Մրցանակները շնորհվել են Բարի Ջենքինսին, Թարել ՄքՔրենիին (Moonlight) և Էրիկ Հեյսերերին (Arrival):

Հայտնի է, որ 2 ֆիլմերն էլ ներկայացված են հեղինակավոր «Օսկար» կինոմրցանակին՝ «Լավագույն ֆիլմ» անվանակարգում:

Հիշեցնենք, որ այս տարի «Օսկար»-ը կայանալու է փետրվարի 26-ին: