«Սոնոմա» միջազգային կինոփառատոնը կբացվի Ցեղասպանության մասին պատմող «Խոստումը» ֆիլմի ցուցադրությամբ

ԱՄՆ Կալիֆոռնիա նահանգում մարտի 29-ին մեկնարկում է 20-րդ «Սոնոմա» միջազգային կինոփառատոնը, որը տևելու է մինչև ապրիլի 2-ը:

Ինչպես տեղեկացնում է Sonoma News-ը, փառատոնի ցանկում ավելի քան 130 ֆիլմ է ընդգրկված, որոնք ընտրվել են ավելի քան 600 հայտից: Ծրագրում ներառվել են անկախ խաղարկային, վավերագրական, համաշխարհային կինոյի և կարճամետրաժ ֆիլմեր` 20 տարբեր երկրից:

Ինչպես հաղորդվում է, փառատոնը բացվելու է Հայոց ցեղասպանության մասին պատմող պատմական ռոմանս ժանրի «Խոստումը» ֆիլմով, որի գլխավոր դերակատարներն են Քրիստիան Բեյլը, Օսկար Այզեքը և Շառլոտ Լը Բոնը:

Ինչպես ավելի վաղ հաղորդել էինք, ամերիկացի երաժիշտ, երգահան Քրիս Քորնելը ներկայացրել է իր նոր «Խոստումը» սինգլը, որը հնչելու է օսկարակիր ռեժիսոր Թերի Ջորջի ֆիլմում, որի բյուջեն կազմում է 100 մլն դոլար: