Դերասանուհի Ջինա Լոլոբրիջիդան կրկին երիտասարդ «ալֆոնսի» զոհ է դարձել. լրատվամիջոցներ

20-րդ դարի ամենագեղեցիկ իտալուհիներից մեկը՝ դերասանուհի Ջինա Լոլոբրիջիդան, կրկին երիտասարդ խաբեբայի խարդախության զոհ է դարձել: Դերասանուհու որդու խոսքով՝ 29-ամյա Անդրեա Պյացոլան, շահելով 89-ամյա կնոջ վստահությունը, ներկայում միայնակ կառավարում է նրա ամբողջ ունեցվածքը:

Ինչպես հայտնում է gazeta.ru-ն՝ իտալական լրատվամիջոցներին հղումով, Լոլոբրիջիդայի բարեկամները բողոք են ներկայացրել Պյացոլայի դեմ:

Աղբյուրը մանրամասնում է, որ երիտասարդը սկսել է դերասանուհու հետ մտերմություն անել 2011թ. սկսած: Նա հաճախակի այցելում էր Լոլոբրիջիդայի՝ Հռոմում գտնվող առանձնատունը, կատարում էր նրա բոլոր կարգադրություններն ու որպես անձնական վարորդ էր աշխատում:

Տևական մտերմությունից հետո Պյացոլային հաջողվել է Լոլոբրիջիդային հեռացնել բոլոր օգնականներից ու ընտանիքի անդամներից:

Դերասանուհու բարեկամների խոսքերով՝ իրենք չեն կարողանում հանդիպել կնոջը, քանի որ երիտասարդը վերահսկում է նրա յուրաքանչյուր քայլը:

Հայտնի է, որ Պյացոլան 7 մլն եվրո է ստացել թանկարժեք զարդերի ու բնակարանների վաճառքից:

Հիշեցնենք, որ 2013թ. Լոլոբրիջիդան իր նախկին փեսացուին մեղադրել էր խարդախության համար:

Նախկին փեսացուի հետ՝

Երիտասարդ տարիքում՝