Անջելինա Ջոլին որդու հետ զբոսնել է Բուքինգհեմյան պալատով (լուսանկարներ)

Հոլիվուդյան հայտնի դերասանուհի, ռեժիսոր, ինչպես նաև ՄԱԿ-ի՝ փախստականների հարցերով հատուկ դեսպան Անջելինա Ջոլին, որն այս օրերին գտնվում է Լոնդոնում, առիթը բաց չի թողել և ավագ որդու՝ Մեդոքսի հետ զբոսնել է Բուքինգհեմյան պալատով:

Ինչպես նշում է The Daily Mail-ը, 41-ամյա աստղն ու նրա 15-ամյա որդեգիր զավակը զբոսավարի ուղեկցությամբ ուսումնասիրել են Մեծ Բրիտանիայի թագավորական ընտանիքի պաշտոնական կեցավայրի բազմաթիվ անկյուններ:

Հետաքրքրական է, որ այդ ժամանակ թագավորական ընտանիքի անդամները պալատում են եղել, սակայն Ջոլին և Մեդոքսն այցելել են միայն զբոսաշրջիկների համար նախատեսված հատվածները:

Հիշեցնենք, որ նախորդ օրը Ջոլին դասախոսություն էր կարդացել Լոնդոնի քոլեջներից մեկում՝ կանանց իրավունքներին, խաղաղությանն ու գլոբալ անվտանգությանն առնչվող հարցերի շուրջ: